cousaspequenas

Outro par

2012-02-15T18:15:00.002+01:00

Veño de subir á miña tenda Etsy este par de amiguiños. Van aos poucos, pero van...

Descubrín hoxe esta aplicación que te mostra a paleta de cores dunha imaxe...xenial!
Penso que vou usala moito

San Valentín

2012-02-14T19:54:00.000+01:00

O día de San Valentín sempre foi unha data moi celebrada na miña casa. Valentín chamábanse o meu avó e o meu pai. Valentín chámase un dos meus irmáns e un dos meus fillos. Este ano foi un pouco diferente.

Ese é o Camelio do meu pai, marcamolo con esa cadea. A idea foi de Tin. Buscou por todas partes ata dar con unha que lle gostara. Esta era da áncora dun barco. Os números fixoos o meu tío Carlos (baixo a súa supervisión) . Son as datas 1937-2011.

Os rabiscos do luns

2012-02-13T19:08:00.002+01:00

Un rabisco feito nunha libreta calquera, nada mais...

Esta que pasou foi unha semana complicada, cos nenos enfermos e moito que facer. O sábado e o domingo non estivemos na casa, así que non tiven moito tempo de pasar por aquí. A ver si esta que comeza podo acougar un pouco...

Os rabiscos do luns

2012-02-06T19:10:00.000+01:00

Os meus fillos pequenos son uns fans dos meus rabiscos, cheos de serpes e mazás...pero eu coido que este xa vai ser o último co tema da árbore

Galería de cousas pequenas

2012-02-04T23:27:00.001+01:00

La galería de cousas pequenas en Flickr.

tag

2012-01-31T20:56:00.000+01:00

O meu fillo mais vello é un grande afecionado ao rap, e estame contaxiando o seu amor pola cultura hip hop. Da súa man vou descubrindo aos grupos españois (que son os que teñen letras que entendo) : Violadores do verso, Tote King, SFDK, 7notas 7colores, Kase O... estou feita toda unha b.girl!

Á miña idade non me vexo saltando cercas cunha mochila chea de sprays, e polo meu traballo tampouco creo que estivera cómoda embadurnando mobiliario urbán, pero aquí, nun cartonciño, na casa, probei a desenar a miña marca, o meu tag grafitero. Teño que darlle mas voltas ás idea, se cadra quedou un pouco sobrio de mais. Si algún dia vedes ese tag por algún muro dunha estación de tren, xa sabedes...

Como esta fin de semana montamos un moble de IKEA (piquei outra vez, é a última) temos cartóns para dar e tomar... Estes das fotos son unha especie de carton armado, moi resistente e moi chulo para grafismos varios...Aquí abaixo mostro a obra do meu fillo Miguel (5 anos) que debuxou catro heroes, a saber: o hulk, o capitan america, o lobezno e o normal.

Adiviña cal é cal.

Os rabiscos do luns

2012-01-30T18:53:00.000+01:00

Unha árbore mais para a coleción do luns...

(algunhas das) cousas que fixemos esta finde

2012-01-29T20:50:00.000+01:00

Paseos pola cidade

2012-01-24T23:47:00.000+01:00

Algunhas imaxes de hoxe

E estas xa pola tardiña...¡cando cheguei a casa, tiña o sol dentro!

Os rabiscos do luns

2012-01-23T20:16:00.003+01:00

Collinlle querencia ao tema bíblico: a árbore do ben e do mal , Adán e Eva a serpe, a mazá , o paraíso... Non o tiña previsto pero vou facer unha serie dándolle voltas a ese asunto e vouna titular "A árbore do ben e do mal" "A árbore do coñecemento" ou algo así de rimbombante. Despois de todo eu son a dona dos meus garabatos e os chamo como quero. Se cadra algún día serven de base para facer unhas serigrafías ou unhas litografias ou uns linograbados...ou uns algo, se soi quén de meterme a facelo...

Onte fixemos

2012-01-20T17:54:00.000+01:00

Onte estreamos estas ceras para pintar sobre tea que lle deixaron os Reis Magos a Miguel, na casa dos seus curmáns Nico e Marta. Están xenial! Fixemos dúas bolsas para o pan, que no lo traen a casa quentiño pola mañán, así poidemos deixar unha na casa, e a outra levaa a muller que o trae.

Aquí está unha das bolsas xa rematada, a que quedou na casa, a outra xa está na panadería, ata mañán.

Mentres Miguel facía os debuxos, eu fixen tamén as miñas probas, nun anaco de tea .Fixen esta moneca, un pouco sen pensar, pero quedou chula non? Encantanme estes crayons...Despois de pintar tes que fixar o debuxo coa prancha (poñendo un papel entre a tea e a prancha) e despois xa o podes lavar.Vou facer a proba do lavado a ver que tal...si vai ben, xa pensarei algo para facer con eles para a tenda...unhas bolsiñas ou uns mini coxíns ou que sei eu...

Post post:

No meu blog aparece unha lenda do traductor de google que pon: esta páxina está en portugués quere traducirla? Hoxe por curiosdidade dixelle que sí e esta e a tradución que sae:

UENTE estrenó estas ceras y pintura sobre el té que lle deixaron los Reyes Magos a Michael, la casa de sus curmáns Nico y Martha. Estan xenial! Fijemos dos subvenciones a la sartén, de modo que en la casa de Quentin Traen pola Manan, asi Poide deixar clavo en la casa, y el otro conduce a la Trae muller.

Non é xenial?
Subvenciones a la sartén! como mola

Paseos pola cidade

2012-01-17T23:59:00.000+01:00

Estas dúas imaxes son en Santiago de Compostela, moi perto da catedral.

A que ven agora, saqueina esta fin de semana, en Ferrol...semella unha casa encantada verdade?

Os rabiscos do luns

2012-01-16T19:46:00.001+01:00

Rabisco do luns. Estreando os meus bolis de colores

novas tarxetas

2012-01-12T23:33:00.001+01:00

Despois de dar unha volta por ETSY, comprobo que o Nadal xa fuxiu e agora todas as crafters do mundo andan a traballar no próximo San Valentín.

Como eu son moito de aproveitar, xa teño as miñas feitas, cuns pequenos arranxos, xa me sirven as do Nadal:

Así que, próximamente, podense atopar na miña tenda, por si alguén ten un namoriscado por aí e lle quer mandar un recado ou, simplemente, para quen queira ter un corazón a punto de cruz dixital.

Os rabiscos do luns

2012-01-09T19:49:00.000+01:00

Resistome a deixar a miña costume de facer algo os luns para iniciar a semán con bo pé...O que pasa é que os luns os teño complicados ultimamente, pero malo será que un simple rabisco, un garabato calquera non o poida facer...así que aí vai a miña nova serie para este ano 2012 que comeza.

Estes dias

2012-01-07T00:19:00.000+01:00

Algunhas imaxes da noite de Reis. Deume por facer unha cea especial para nos cinco esa noite, A mesa xa quedou preparadiña antes de ir ver a cabalgata de Reis

Fixen o meu mus especial, que ten sempre moito exito e é doado de facer

E aquí stán os nenos a cola para poder ver as súas maxestades os Reis Magos...

O dia de Reis, como xa hai moitos anos, fumos comer á casa da miña prima Marga. Deu tempo para ir dar un paseiño pola nosa querida praia, xusto antes de anoitecer...Respirar o ar puro do mar batendo non é un mal comezo para este novo ano...

Ideas para regalar por menos de 5 € (4)

2011-12-23T15:36:00.003+01:00

Algunhas ideas para regalar no Nadal, por poucos cartos , para facer un mesmo, sen complicarse moito, aproveitando cousas que hai por casa...como por exemplo...

Unha arbore de Nadal portátil

Fixen a primeira cando naceu meu sobriño Uli, que naceu case que en Noiteboa hai xa cinco anos, para que a miña irmá a puxera sobre a mesiña do hospital. Tamén caeulle algunha as miñas primas viaxeiras, para que a poideran meter no fondo da maleta e tiveran un anaquiño do Nadal alá onde estiveran..Mais facil de facer non pode ser, e queda ben ainda para as mans mais chapuceiras...eso si fai falla unha máquina de coser.

O material necesario é un cartón calquera e un pouco de feltro verde, ou mellor pano de lá , coma os tapetes de xogar as carats. A explicación nas imaxes seguintes.

É mellor que a árbore teña forma redondeada, logo ao coser os bordes co cartón dentro, resulta mais doado. Non importa acertar moito co borde, despois pódese recortar a silueta cando xa está cosida a tea:

Aqueles bolsos de tea, rematados,por fin.

2011-12-22T23:36:00.001+01:00

Aqui van algunhas imaxes dos meus cinco bolsos feitos coas teas do mostrario de tapicería, as camisas vellas do meu home e cos cinturóns de coiro que fun apañando. Xa as rematara hai algún tempo pero quedaron esquecidas...E agora non fan mais que enredar na casa, xa non teño onde colocar tanta cousa.

En realidade so mostro catro delas, a quinta quedeima eu e outra sei que a quere miña nai para facer un agasallo este Nadal. Veño agora mesmo de subilas a miña tenda etsy...Son todas do mesmo estilo pero cada unha é diferente. Gracias o meu asesor de Curtidos Compostela, pola súa inestimable axuda coas asas.

Ideas para regalar por menos de 5 € (3)

2011-12-21T18:15:00.000+01:00

Algunhas ideas para regalar no Nadal, por poucos cartos , para facer un mesmo, sen complicarse moito, aproveitando cousas que hai por casa...como por exemplo...

Un bastidor de bordar con algo enmarcado

Este xeito de mostrar algo o vira por primeira vez, xa hai tempo, con mostras de tecidos bonitos, na casa de Amanda Soule (Soulemama, un blog que adoito seguir) e deronme ganas de facer algo parecido. Penso que a idea pode estenderse a moitas cousas, pero é moi axeitada para mostrar o debuxiño dun neno feito sobre tea. Neste exemplo eu copiei un debuxo que tiña dun dos meus sobriños, agora non lembro de cal, que conservei porque me molou e o paseino a unha camiseta de algodón vella. Pero pode facerse o mesmo cunha frase, ou un poema ecrito sobre tea, unha foto transferida, un bordado que se quere conservar dunha peza vella que sei eu, mil posibilidades.

Os marcos de bastidor vendenos soltos, sen pé, en calquera mercería e os hai de moitos tamaños. Faise con eles un marco para colgar na parede moi xeitoso. Este en concreto custou 3,50 €.

Ideas para regalar por menos de 5 € (2)

2011-12-19T21:56:00.003+01:00

Algunhas ideas para regalar no Nadal, por poucos cartos , para facer un mesmo, sen complicarse moito, aproveitando cousas que hai por casa...como por exemplo...

Unha bufanda transformada

Esta idea non require mais nada que saber facer trenzas ou nós, sempre, claro está, que un xa teña na casa algunha bufanda vella para darlle o toque. Si temos que mercar a bufanda, o custo disparase, claro.

No meu caso aproveitei dúas bufandas vellas que tiña por casa, que xa non usaba moito .

A primeira é unha bufanda que fixera eu mesma xa hai tempo, que tiña uns flecos moi longos, de cor laranxa, nos extremos. O que fixen neste caso foi unir os extremos a base de facer nós cos flecos, primeiro dividindo en dous cada fleco, e unindoo ao outro extremo, e logo, varias veces mais, ata que quedaron unha especie de boliñas de lá como pompóns. Así unida a bufanda colocase como un colar doble, e queda cun ar moito mais moderno.

No segundo caso a bufanda a transformar foi unha moi longa e moi estreita, tamén cor laranxa, que andaba danzando pola casa e que hai tempo xa que non poñía. Aquí a transformación consistiu en ir facendo unha trenza, empezando como se pode apreciar, mais ou menos, na foto é unha vez feita a trenza, unila tamén nos extremos ata formar unha especie de colar grande de lá

Cada quén pode buscarlle unha nova volta á súa bufanda, dandolles un novo ar a aquelas que xa non pon tanto. As trenzas e os nós, son unha posibilidade, pero seguro que hai moitas mais...

2011-12-18T23:00:00.000+01:00

A nena que asoma a cabeza nesa árbore son eu. Meu pai tenme collida cos brazos en alto, agochado entre as follas , mentres a miña nai suxeita a escaleira.

O pasado luns, o meu pai faleceu. Pouco a pouco imos afacendonos a idea de que xa non está connosco.Un bico moi forte, papá.

Ideas para regalar por menos de 5 € (1)

2011-12-12T10:00:00.000+01:00

Algunhas ideas para regalar no Nadal, por poucos cartos , para facer un mesmo, sen complicarse moito, aproveitando cousas que hai por casa...como por exemplo...

Un gorro feito duns calcetíns
O outro día estiven dándolle voltas a que mais cousas podería facer cun par de calcetíns, aparte do coñecido mono e pensei que era ben doado facer un gorriño gracioso para un neno, (ou para un maior)

Nesta foto queda resumida a idea:

Tense que cortar os calcetíns pola parte posterior ata a metade do talón, seguindo a liña que se ve na foto. Despois, dáselle a volta aos calcetíns, e cósense un a outro unindo as dúas pezas pola liña do corte, volvense dar a volta para que queden do dereito e xa temos o gorro feito.

Os pes do calcetín podense agora arranxar de mil maneiras, para darlle un toque simpático ao gorro: facerlle un par de nos, dedeixalos colgando, como unhas orellas, facer un so nó. Na última foto, vai con unhas pelotas saltarinas de goma, para facer un agasallo doble!

A idea pode elaborarse un pouco mais, según a inspiración de cada quen... Por exemplo, pódense usar uns calcetíns dunha so cor e poñerlles unha tea estampada en contraste na base do calcetín para darlle mais resalte ao efecto orella...e que sei eu...

Mini tarxetiñas para as ceas familiares que se aveciñan

2011-12-09T17:56:00.001+01:00

Acabo de subir a tenda bigcartel unhas tarxetiñas con motivo navideño, similares as do Nadal pero en pequerrecho. Penseinas para poñer na mesa estes dias tan sinalados que nos xuntamo moitos a comer e cear, para darlle un toque festivo á mesa. Son tamén chulas, creo eu, para poñer nos agasallos, co nome do destinarario e mesmo unha palabriñas da nosa man, o da man das súas maxestades, se cadra...

Como estou enganchada a esto de facer fotos en plan estudio profesional, tiña pensado poñer unha falsa mesa de Nadal completa, toda adornada, para facer unhas fotos en plan Jackie Rueda, pola mañana, con boa luz... Xa tiña na mente varias ideas, acibro, velas....pero logo pensei, ...para o carro! pero tí andavas rapaza! O que fai estar un par de días sen nenos!

Ao final, fun menos ambiciosa e fixen un amago nunha esquiniña, para coller a idea e xa está...

E este seria o mesmo no modo "para agasallo"

Cousas que ando a facer estes dias

2011-12-09T01:00:00.000+01:00

Teño a casa agora mesmo como a fábrica de papá Noel, so que sen os gnomos a me axudar, je, je...

Nestas datas sempre fervo de actividade porque teño por costume facer moitos dos regalos do Nadal eu mesma en plan caseiro , e ademais agora tamén fago cousas para as miñas tendas (chúpate esa Amancio Ortega).

Aproveitei estes dias festivos para darlle pulo os meus traballos e, coma de costume, en vez de ir rematando algún, comecei outros novos...En fin

Pensando en esto dos pequenos agasallos do Nadal, ocorreuseme que estaría ben para mostrar no blog nas dúas próximas semanas unha serie cunha idea diaria para facer regalos por menos de 5 €, que é a miña especialidade...Vou darlle voltas ao asunto, non vaia comprometerme a algo que logo non sexa capaz de facer...Non por as ideas, que sumando cousas que xa fixen algunha vez, con cousas que xa tiña no maxín facer, danme para mais de vinte, senon por que me dea tempo para facer as cousas en sí, facerlles unha foto e subilas ao blog, unha cada dia, ni mais nin menos! Pero como levo tanto tempo sen retos, parece que os voto en falta, así que voume lanzar!

Esto é no que ando a traballar agora mesmo:

E este é o mini obradoiro que me montei nun recunchiño da sala. No estudio onde temos o ordenador non hai boa luz pola tarde, que é cando eu podo traballar, así que decidín buscar un sitio para montar os meus bártulos, que o estudio xa é como a casa de tócameroque, sempre cheo de xente .

A este curruncho chega ata a última raiola, (cando haina). Ademais, ao estar na sala, síntome obrigada a telo ordeadiño e mono, e sempre, logo de traballar, o deixo recollido, como debe ser.

volve o mono

2011-12-08T00:12:00.001+01:00

Xa hai tempo que non facía un sock monkey, pero con esto da tenda, retomei a idea. Paréceme un xoguete moi bonito para regalar a un neno pequeno. Os meus fillos e sobriños teñen cadanseu un, que lles fun regalando desde que fixera aqueles primeiros. Os que eu fago seguen o patrón tradicional, coa pequena variante das pernas largas, que lles dan, na miña opinión, un toque especial, e os fai mais xeitosos para o xogo. Os que están na casa, que xa teñen un tempo, seguen aí, vixentes, formando parte dos xogos cotíans, pendurados do sitio mais insospeitado, usados como voleadores pampeñas, ou coma pontes colgantes...

Estes dous monecos fixenos onte e vounos subir a tenda axiña. Apeteceume probar algo mais que o Sock monkey, que xa está moi estudiado, e pensando, pensando, ocorreuseme, con pequenas variantes sobre o mono, o sock elephant. Estou moi orgullosa da miña idea, , ainda que, estou casi segura, xa debe estar inventado.

O dos calcetíns tenme moi entretida, dan para moito. Onte dediqueille o dia á investigación do calcetín, e ocorreronseme mais ideas. Mañan, se cadra, as poño aquí, que estes dias festivos dan moito de sí.

Aquí mostro algunhas das fotos que fixen dos monecos. Paseino ben facendolles as fotos para Etsy. A miña cociña parecia hoxe un estudio de fotografía profesional, con dúas super modelos posando para mín!

Estes son os mencionados calcetíns (fixen os monecos con dous pares combinados) antes de poñerme con eles.

E aquí están os resultados:

Uf, que susto

2011-12-05T01:17:00.000+01:00

Hoxe, as oito da tarde mais ou menos, perdín o meu blog e a tenda bigcartel.

Andiven probando aquí e alá para facer uns cambios na configuración das miñas contas cando de repente desapareceron por completo! O ordenador non facía mais que dicirme que os enlaces estaban rotos e eu sentín tal sensación de pérdida e de impotencia que deume por chorar...O meu fillo maior rifoume por eso, parece mentira! chorar por esa tontería...O do medio resultou mais compasivo coa miña dor...home leva xa catro anos con eso, e perdeu todas sus fotos, todas as que xa estaban no blog, é normal que teña mágoa...

Penso que non levo tanto, ou sí? pero o meu blog é algo que aprecio moito ... que ten de malo botar unha lagrimiña si vexo que desaparece de golpe, sin deixar rastro, sin saber por qué!

O caso é que o P . vendo a miña desolación veu botarme unha man, e puxose a mirar o choio a ver si podía facer algo, e así, sen máis ¡ trouxo todo de volta! Eu, coma sempre, quedei de parva,... pero como é posible que hai un momento estiveran todos os enlaces rotos e agora todo estea outra vez no sitio? como fixeches? Pois, non sei, básicamente, cambiei de navegador

Mira que me fastidian estas cousas, eu desconfiguro todo con solo miralo, e él arranxa todo pola simple imposición de mans!

Agora está todo no seu sitio outra vez, ou alomenos, eso creo. Acabo de subir á tenda estas tarxetiñas de Navidad que veño de facer

Esta é parte posterior, coa miña guirnalda:

Aquí a baixo poden verse as catro tarxetas que leva cada lote:

En fin, vou ver si son quen de facer unha copia de seguridade do blog..(.non era exportar blog ? ), que o pasei moi mal.

Xa está aquí Decembro...

2011-12-01T17:57:00.001+01:00

O bo dos calendarios de Advento é que sirven para todos os anos! Nos fixeramos un o ano pasado, que é o que se ve na foto, así que vou sacalo da caixa dos chismes de Navidade e poñelo na parede de novo...Aos nenos o de atopar unha lambetada ou unha sorpresa no peto cada día gustalles moito...e a quen non?

Novedades na tenda

2011-11-30T18:47:00.001+01:00

Pois xa están á venda na miña tenda as postais das que falaba onte. Teño moitas mais que irei poñendo aos poucos en pequenos lotes, agrupadas, coma estas, por temas.

Na modalidade que eu teño da tenda en Bigcartel non podo mostrar mais que cinco productos á vez e unha sola foto de cada un deles. A cousa é tan cutre porque é gratis, se pagase unha pequena cota ao mes, podería subir mais productos e mais fotos deles, pero para o pouco que fago e o menos que vendo, así xa vai sobrado.

Como na foto da tenda non se poden ver as cinco imaxes que contén cada lote, vounas mostrar aquí, desplegadas, por si alguén quere velas. Aí van os lotes que teño agora mesmo xa en venda:

Serie "Nadal"

Serie "Proxecto guía telefónica":

Serie"sketches":

Serie "Carteis":

Serie "A colecion do luns"

Pois esto é o que hai na tenda nestes momentos. Pinchando na imaxe que teño aí ao lado na barra lateral do blog está a porta da tenda, ou si non aqui mesmo.

postais

2011-11-29T19:05:00.001+01:00

Xa teño preparadas, mentras vou rematando os bolsos (para etsy) , unhas postais moi chulas para a outra tenda ( a de bigcartel).

Son pequenos lotes de 4 ou 5 tarxetas, nun papel de gran calidade, con imaxes dalgunhas das miñas fotos (están todas en flickr) agrupadas por temas, por unha cara, e pola outra, co deseno da cabeceira do blog. Teñen as medidas e características típicas das tarxetas postais. Teño varias series, so unha de cada tipo. A min encantanme, son tan brillositas! Aquí pode verse unha primicia:

Estas son co tema do Nadal, son cinco distintas:

Estas son co tema da Coleción do luns, tamén cinco diferentes:

Aquí van os cinco carteis que teño á venda, en pequeniño:

O outro dia preguntabame un cuñado meu -e sen embargo amigo- ¿ e por qué tes dúas tendas? ¿non chegaba con ter unha? A verdade é que non souben dicirlle moi ben por qué. Simplemente que pareceume mellor así.

Nunha tenda (Bigcartel) tiña pensado centrarme no deseño grafico, na ilustración, no debuxo, na pintura...Nas cousas que me gusta facer desde que era unha nena ben pequena... Na outra, (Etsy) a intención era centrarme mais na afición mais recente, na que ainda estou a empezar, que é a costura e o de facer cousas con teas e fíos...ou o que atope por ahí!

En realidade non son cousas tan diferentes, nambos casos trátase de facer cousas bonitas (alomenos para mín) a partir dunha idea ou dun material, mellor si o material xa o teño por casa e podo transformar algo inservible, algo que está de camiño ao lixo en outra cousa...

Poñer as dúas aficións por separado en dúas tendas pareceume unha boa idea para axudar a ordear a miña cabeza, un pouco caótica, e a que non parecera todo un batiburrillo sin un fio conductor...Ao final, ando a mesturar todo e o único fio conductor que podo atopar e que teño mais ideas que tempo e mans para convertelas en realidade, pero non me importa moito. Vou paseniño, e si non podo facer as marabillas que teño na cabeza, fago outras , ou aproveito o que xa teño feito.

A tenda é so un pasatempo, un escaparate (virtual) para mostrar dun xeito ordeado as cousas que vou facendo...que por desgracia, son ben poucas, porque non teño moito tempo neste intre concreto da miña vida. Pero ter este recunchiño de escape dáme un respiro no bulir diario. Traballar nas cousas que me gusta facer é a forma de relaxación que mellor vai comigo. Cando estou a facer estas- vamos chamarlles chorradas- asubío, canturreo e estou de bo humor. Cando non podo facer estas pequenas cousas, faltame algo. Ir de compras, ou de paseo ou estar tumbada no sillón vendo a tele estrésame moitisimo!

Non sei se xa comentei que agora cambiei o meu horario do traballo...No que mais o noto e que agora cando chego a casa, e podo poñerme ao meu, xa non teño boa luz natural...E eu, sen luz natural, non son naide.

Mañá, cando teña mellor luz que agora vou facer outras fotos dos lotes de postais e se cadra unha mostra das imaxes de cada lote e subilas á tenda. Hoxe non deu para mais. Vou facer a cea. Ata mañán.

na tenda pronto

2011-11-23T22:29:00.001+01:00

Nestes bolsos ando a traballar para a tenda, feitos a partir das teas da miña colección de mostrarios de tapiceria e cintos vellos de home. Gostame o aspecto gastado e usado do coiro...

As cousas van mais lentas do que me gostaría, pero como sempre, eu, no meu mundo ideal, fago as miñas previsións, e a realidade, que é moi tozuda, fai outras.

De todolos xeitos penso que nun par de dias os bolsos estarán rematados e listos para subir á tenda. A min gostanme moito. Cando estean listos xa os mostrarei.

Logo desta primeira tanda, teño pensado facer mais cousas, todas diferentes...Teño mostrarios para entear a muralla china!

Corner of my home

2011-11-19T23:26:00.001+01:00

Corner of my home, a photo by cousas pequenas on Flickr.

Un anaco do meu estudio coa luz da mañán.

novembro

2011-11-16T18:31:00.001+01:00

A chuvia, o sol e a miña planta de albahaca na cociña facían unha fermosa imaxe o outro dia. Non puiden resistirme a tirar unha foto.

Tamén ten unha atmosfera especial a piscina universitaria, onde o meu rapaz de 8 vai nadar. O luns foi a xornada de portas abertas para os pais e tomei estas fotos...Un sitio especial.

Polo demais, sego a traballar nalgunhas cousas para a tenda, pero si adico un pouco de tempo ao blog, xa non me queda oco para facer mais nada...Non teño moito tempo...

Xa vou parecendo o coello de Alicia no pais das marabillas verdade?

Inauguración

2011-11-11T18:59:00.001+01:00

Chegou o gran dia, así que inauguro a miña tenda Etsy. Xa está aberta e podedes pasar a botar unha ollada aqui: www.etsy.com/shop/CousasPequenas.

De momento, adiqueime mais ben, como quen dí, á decoración do local, a poñelo a punto e a facerme coa mecánica da tenda, o que se di, mercancía, aínda non teño moita, hei ir subindo cousas pouco a pouco...pero apetecíame manter esta data tan sinalada.

A tenda etsy vai estar mais adicada a monecos e cousas de costura e a de big cartel mais centrada en deseno gráfico... por qué? pois non o sei, a verdade.

Este é o banner que fixen para a tenda etsy... Espero que os meus textos non resulten definitivamente incomprensibles.O meu inglés é o que lembro da escola, así que xa vos podedes imaxinar...Se cadra o da tenda motivame un pouco para practicar mais. Si alguén ve un gazapo gordo agradecería que mo dixera..Aquí os correctores que teño pola casa non están por botar unha man, tan so escoito risitas e comentarios tipo ...parecen as instruccións dun aparello coreano...

PROMOCIÓN ESPECIAL DE INAUGURACIÓN !

E Para celebrar a apertura da tenda, e premiar a calquera que tivese a paciencia de ler ata aquí, e seguir as miñas andanzas, gostaríame facer este pequeno agasallo:

A persoa que deixe un comentario neste blog entre as 11 e as 11:11 no que queda de semana recibirá de regalo o cartel ou o debuxo que elixa dos que teño (ou tiven) en venda en calquera das tendas.

Boa fin de semana!

Colección Inverness

2011-11-09T23:43:00.001+01:00

Estes dias ando moi liada. As miñas rutinas domésticas cambiaron moito nos dous últimos meses, teño un horario de traballo distinto e dispoño, en conxunto, de menos tempo que antes para adicar as pequenas cousas que adoitaba facer... Eu tiña a idea de darlle un novo pulo a miña tenda Cousas pequenas a partir do dia 11 no que pensaba abrir, seguindo os meus ambiciosos plans de expansión empresarial a tenda en ETSY, para engadir a que xa teño aberta en Bigcartel ...pero non puiden facer, ata agora, casi nada do que eu tiña pensado...Pensei en retrasar a cousa, pero que queres, a data 11-11-11 chámame como imán e vou mantela... Así que agás desastre maior a inauguración da miña tenda ETSY será o venres.

Unha das cousas que estame costando manter é a miña rutina de "Os luns: apunte do natural". Unha porque os luns teñoos movidos e cando podo sentar un momento xa non teño luz natural para pintar e moito menos para facerlle unha foto despois ao que pinto...Resistome a comenzar a semana sin esa tarefa do luns, pero se cadra, vou ter que facer trampa e debuxar o apunte do natural o o domingo pola máña para mostralo o luns.

Esto que mostro é unha parte da miña colección de mostrarios de teas de tapicería. A maior parte dos mostrarios conseguinos de golpe nunha subhasta en ebay xa hai tempo, e fun completandoa con pezas de aquí e de alá. Xa non teño moito sitio na casa para acumular mais mostrarios, pero dame mágoa desfacerme deles, porque as aprecio moito, así que pensei que facer cousas para a tenda era un destino axeitado para eles.

A miña idea é ir facendo distintas cousas con esas teas: monecos, bolsos, eu que sei, o que a tea pida, como diría o outro...

De momento, o que teño feito son estes loros, que xa tiña o patrón d uns disfraces de pirata para os nenos. Si son quen de completar outras cousas para o venres está por ver...en todo caso, a tenda quedará aberta e pouco a pouco iré enchendoa das miñas cousas pequenas.

De volta por aquí

2011-11-02T20:02:00.002+01:00

Estes dias andiven medio griposa, e non tiven forzas nin de facer cousas nin de contalas...pero parece que xa vou mellor, xa se sabe, con medicación, poste ben nunha semana, sen medicación, en sete dias...Pasada a miña semaniña correspondente parece que vou collendo novos folgos.

Onte aproveitei que estaba mellor e decidín facer unhas fundas para uns coxíns, que tiña pendentes hai tempo. Tiña pensado facerlles hoxe unha foto para poñer aquí o reultado, pero cando me din de conta xa non tiña boa luz para facer unha foto dos coxíns un pouco xeitosa.

Así que optei por sacarlle unha foto ao ceo que estaba a ver desde a miña cociña, que tiña un efecto moi dramático, e de paso que estaba alí outra foto a nosa planta de albahaca, para darlle un toque de optimismo e esperanza a cousa, que se vía moi negra..

Para compensar, en vez de poñer as fotos dos coxíns, poño un pequeno esquema de como os fixen. É o meu método preferido, porque non tes que liarte co choio da cremalleira, que xa son palabras maiores para mín. E a típica funda tipo sobre, mais facil imposible!

Para facer unha funda para un coxín de dimensións A x B tes que facer mais ou menos o que tentei explicar cos meus debuxiños:

Espero que se entenda!

A festa de Gael

2011-10-25T19:54:00.000+02:00

Esta fin de semana celebramos a festa do aniversario de Gael , na casa do meu irmán Tin...Non podo resistirme a poñer algunha foto, a súa casa é un sitio especial.
Fixo un dia estupendo, soleado, menos mal, xusto ao día seguinte caeu unha boa treboada. Aquí está a horta de Tin

Os luns: Apunte do natural

2011-10-24T20:00:00.000+02:00

Cousas que atopei polo chan de camiño para a casa esta tarde.

Gael xa fai un ano!

2011-10-21T19:29:00.000+02:00

Parece que foi onte cando chegaba a este mundo o noso querido Gael e xa vai facer este domingo un ano!

Este moneco fixeno onte para el...esperemos que lle guste...Teño que retocar o patrón para facerlle algún axuste...Vou poñerme agora con outro modelo, a ver que tal...Cando os teña perfeccionados se cadra os poño na tenda...Gael vai ser o meu probador de prototipos!

Estes son os ingredentes, mais o patrón que fixen mirando un libro de dinosaurios, pero que ainda teño que perfeccionar un pouco

Receita de 15 minutos (todo incluído)

2011-10-18T21:06:00.000+02:00

A min os éxitos culinarios veñenme cando menos os espero...Aquí vai esta receita para facer as carreiras coa que me fixeron a ola esta tarde. Son palmeiriñas pequenas cubertas con chocolate... Perfectas na súa imperfección.

Receita:
Comprar un rolo de masa de hojaldre xa feita
Dobralo como se ve na foto as metades cara o centro e repetir ata que non dobre mais
Cortar o roliño obtido en lonchas
Abrir un pouco facendo unhas V para darlle a forma.

Aquí convén non perder a fé. Deses gurruños aplastados sairán, mais ou menos as palmeiriñas.

Pintar con ovo batido e espolvorear con azucre e meter no forno, no mesmo papel que trae a masa.
Mentres está no forno fundir chocolate para postres no microondas cun pouco de leite

Cando estean douradiñas sacanse do forno, botaselles o chocolate por riba e si se pode, deixanse enfriar.

Os luns: Apunte do natural

2011-10-17T20:07:00.000+02:00

Ultima raiola da tarde nunha piña e nunha manzana

e facendo arder os cabelos de M.

2011-10-16T00:32:00.000+02:00

Xa tiña oído falar do Pinterest pero ata agora non me decidira a probar...Hai tantas cousas na rede...facebook, twitter, flickr..se te deixas ir acabas por tolear...Eu ao facebook non lle acabo de coller o punto...aturullame a cánsame...pero ao de Pinterest estou enganchada...Levo un par de horas cravando chinchetas virtuais no meu taboleiro ...Vou parar que xa teño os ollos a cair...

O que queira botar unha ollada os meus taboleiros de fotos, ainda medio valeiros teño o enlace aí ao lado, na barra lateral.

Follas pintadas

2011-10-12T16:27:00.000+02:00

Boa idea para facer cos nenos non? Todas estas imaxes estan collidas do blog The art room plant, unha boa fonte de inspiración

Os luns: Apunte do natural

2011-10-10T20:57:00.000+02:00

Esta que pasou foi unha semana de cambios e axustes nas nosas rutinas...novo horario no traballo, menos horas para as miñas cousas...mais cousas que facer na casa...

Xa casi non tiña luz natural cando puden coller o caderno, pero empeñeime en facer o meu apunte rápido dos luns coma sempre...que non se diga que afurriquei!

MOO

2011-10-03T21:02:00.002+02:00

Xa teño na casa as minitarxetiñas que encarguei en Moo. Lástima que non chegaran a tempo para enviar co meu primeiro pedido da tenda...Teño tamen unhas pegatinas redondas como a imaxe da tenda que está na barra lateral. Estas cousas a min perdenme...

Por certo, dinlle unha pequena volta ao escaparate da tenda. Volvo poñer algun dos carteis que tiña antes e tamén engadín o cartel que enviara para o concurso do Congreso sobre a lactancia.

O apunte do natural deste luns, vai ter que ser mañá, hoxe non fun quen de acougar nunha cadeira ata agora mesmo, e xa non tiña luz natural... nin forzas

Post-post

Logo de publicar este post, recibín un correo de MOO no que explican que os seus clientes teñen un enlace especial e personalizado, que sei que si o pos, e alguén coñece e usa Moo a través dese enlace fanlle no seu primeiro pedido o 10% de desconto, e ao que o pon, tamén lle fan descontos, así que aí vai o meu enlace personalizado a MOO, se picas aquí e fas algún pedido, tes un aforro e eu otro.

A miña primeira tea!

2011-10-02T00:00:00.000+02:00

Recibín unha proba daquela tea que desenara en xullo e que mandei a Spoonflower...Fíxome moita ilusión, é a primeira vez que vexo algo desenado por mín fabricado de verdade (que non sexa, claro, feito con cartóns de ovos, envases de plástico ou demais elementos collidos camiño do lixo).

Chegou nese paquetiño tan molón. E pouca cosa, xa o sei, o que no mundo das teas en yardas chaman o fat quarter, de quilting cotton, o sexa, para o traductor de google "un cuarto de grasa de algodón acolchado"

Falei algunha vez do divertido que é ler cousas en outros idiomas co traductor de google?

Un día lin, traducido dunha páxina en sueco, algo así como... "Aquí está, a miña mesa de merda de galiña conxeada"

¿Verdade que iso non pode estar ben traducido?

Chuvia

2011-10-01T20:13:00.000+02:00

Tentando fotografar a chuvia o outro día, que caeu unha boa chaparrada ...

Os luns apunte do natural (o martes)

2011-09-27T19:48:00.000+02:00

Uvas blancas a contraluz sobre a mesa de mármol da cociña. Por título que non sexa.

Cartel

2011-09-25T00:07:00.000+02:00

Onte fallouse o concurso de carteis para o próximo congreso sobre Lactancia materna que organiza Fedalma. Este foi o cartel que mandei eu. Ainda que non gañei, estou moi contenta, porque o xurado considerou que o meu cartel, xunto co de outra participante, merecía unha mención especial pola súa calidade.

Acabo de lelo na súa páxina web, e estou moi emocionada...dame ánimos para seguir traballando e aprendendo, voume dormir cun sorriso na boca!

2011-09-21T16:53:00.000+02:00

Estou a ver si boto a andar a máquina de coser vella que teño na casa, porque o pedal da outra rompeu xa definitivamente. Non sei se haberá recambios.

A cousa é mais ben entendela, e ver como se pon o fío, onde raios está a canilla e esas cousas, que funcionar sei que funciona. Aquí teño ó técnico botando unha man... Como ten mais paciencia ca mín foi quen de conseguilo, e ademais baixoume un manual da Singer modelo 15 de internet. De momento, no manual, non atopei a explicación de para que sirven todos eses artiluxios tan raros...se cadra é porque está en inglés.

E esta é unha foto que poño de parte do meu fillo Valentín, que quedou moi contento de como lle quedaba a súa marca feita coa sombra dun clip.

tartaruga

2011-09-20T20:59:00.000+02:00

Esta tartarugiña fixena o outro dia para a neta de María, Isabella, que naceu a semana pasada...O patron é do libro Bend the rules Sewing, de Amy Karol, que teño na casa hai tempo, e co que collin o puntiño de darlle a máquina de coser, porque ten moitas cousas que un principiante pode facer..

Esta é a parte de abaixo. Penso que a tea da cabeza quedaría mellor ao revés, coa parte que quedou abaixo cara arriba.

E estes son os patróns. A parte que fai a cuncha cortase sobre a tea dobrada. Da forma das patas, cortanse 8 pezas, da parte de arriba da cabeza dúas. Da parte de abaixo da cabeza 1. Da barriga, dúas, que coses ao final porque é por onde recheas.

Aquí están as pezas xa cortadas:

Os luns: Apunte do natural

2011-09-19T23:38:00.000+02:00

Tiña o apunte a medio facer cando nos chamaron dicindo que o neno maior caira no entrenamento e que estaba no hospital. Afortunadamente nada grave, pero si molesto, un par de osos rotos e o brazo inmovilizado...Á noite rematei a lápiz un pouco os figos que deixei a medio pintar cando saín pitando.

Mañá pola maña sae para o correo a miña primeira venda da tenda!
Estou moi emocionada.

Cambio de escaparate

2011-09-15T11:30:00.027+02:00

Como xa comentei, na miña tenda -que abrín o pasado dia 5 de setembro- non podo ter mais de 5 cousas á vista, porque ten un escaparatiño virtual moi pequerrechiño, (lembrame unha mercería que hai aquí) así que teño pensado darlle unha volta cada 10 dias mais ou menos ... Pinto de novo color e poño outras cousas distintas... Ao retirar as cousas que tiña antes borrei as estatísticas das visitas anteriores, das que estaba moi fachendosa, pero, en fin, empezar de cero cada vez tamén ten o seu aquel.

Esta vez puxen na tenda algúns dos debuxos que fago nas miñas series dos luns. Son impresións dixitais de calidade sobre un papel moi xeitoso como de acuarela.

aberto

Os músicos de Bremen

2011-09-14T23:38:00.000+02:00

Ultimamente collinlle o tranquillo ao dos concursos, e teño sempre un na cola de producción..Cando teño un momentiño penso un pouco (ainda que mais ben penso coa man, facendo garabatos); cando teño outro pouquiño de tempo, debuxo un pouco e, entre lusco e fusco doulle un pouco ao ordenador, e así pouco a pouco, vou facendo...

Hai uns dias vin un concurso para desenar unha camiseta para Animei beat, co tema da defensa dos animais...e lembrei un garabato que fixera nunha reunión, pensando no conto aquel dos músicos de Bremen...Un pouco con esa idea, e axustando o garabato orixinal co photoshop saíu isto.

A min, gostame moito e paseino ben facendoo, misión cumplida, ...se logo gaña ou non, iso xa non é asunto meu...

O concurso é este... si alguén se anima, o prazo ainda está aberto...

Os luns: Apunte do natural

2011-09-12T19:34:00.000+02:00

O outro dia fun visitar a horta urbana que ten o meu amigo Rogelio en Belvís. Que ben se estaba e que paz!...Deume un montón de cousas. O apunte do natural deste luns foi dos seus tomates (os últimos) que son de tres tipos distintos e tamén dalgún pemento.

Esto é todo o que me deu, e porque non podía carrexar con mais...

Na miña cociña estes dias predominan o amarelo e o bermellón, cando lle cae o sol da tarde as froitas e as verduras brilan como xoias.Eu sospeito que iso non lles fai ningún ben, pero o que é alegria, optimismo e cor si que dan.

Pois non

2011-09-11T23:55:00.002+02:00

Uff, resulta que non fun quen de subir o meu deseno ao concurso este de spoonflower. Eu seguín todos os pasos pero algo non foi ben. Mandeilles un email e explicaronme coidadosamente os pasiños a seguir, pero nada.Volvín mandar outro deseno, so para comprobar que era quen de subilo ao concurso desta semana, pero nada, tampouco. Volvín mandarlles outro correo e repetironme os pasos paseniñamente, so faltoulles dicir con voz forte, ...Oeme ben, avoa? Estaba xa toleando e convencendome que era parva, cando me veu a inspiración... E si cambio de navegador? Deixei o Google chrome habitual e pasei a Mozilla e todo foi como a seda...Resulta que co google chrome a metade dos botonciños non saían...Que alivio, a miña correspondencia cos de spoonflower empezaba parecer un dialogo de xordos...

Este foi o que mandei para o concurso desta semana, que ten por lema As Cores do Outono. Non podías usar mais que tres cores mais o blanco. A min gostabame mais o outro pero que se lle vai facer...

Spoonflower

2011-09-06T20:35:00.000+02:00

Creo que xa falara algún dia de Spoonflower, ou non?

É un sitio no que podes deseñar as túas propias teas. Ti mandas o deseno e eles fabrican a tea, no tipo de tecido base que queiras. Se queres, podes mostrar o teu deseno, e poñelo á venda alí mesmo, (levas unha participación nas vendas e paganche en spoondollars je je) ou, se non queres mostrala nin poñela á venda, simplemente encargas a tea para tí.

Eu xa hai moito tempo que tiña ganas de subir algún deseno, pero como pasa sempre, nunca teño tempo. Hoxe, por fin, decidinme. Teñen un concurso semanal e coincidiu que o tema desta semana (páxaros, cunha paleta de cores reducida e prefixada) coincidía bastante cun deseno que fixera, un pouco por xogar, en xullo, un dia que chovera moito na illa. Así que alá foi o meu primeiro deseno ...a ver como queda nunha tea...Teño que investigar mais o mundiño este, penso que é apaixoante. Esto é o que mandei:

Paga a pena pasar por Spoonflower e curiosear as teas que teñen, e, si alguén se anima subir algún deseno pois veña, ánimo...A min é que as teas fanme tolear...como me gusta miralas e tocalas...

Os luns: Apunte do natural

2011-09-05T18:40:00.000+02:00

Esta é unha xarriña que mercara en Reto hai tempo. Non me convence moito o boceto, pero sego a disciplina que eu mesma me marquei: cada luns facer un apunte rápido do natural.

Por certo, HOXE 5 DE SETEMBRO ABRE A TENDA "COUSAS PEQUENAS"

O poño así, a modo de noticia, para darlle mais bombo ao asunto.

A tenda xa está aberta. Na barra lateral deste blog está a súa porta, clickando nela pódese entrar. Tamen aquí: cousaspequenas.bigcartel.com

Si a tenda fora real e non virtual, podería ver as caras da xente que se parase ao pasar por diante da porta, e sorrir a alquén que, se cadra, entrase na tenda, e animalo a curiosear, e mesmo preguntarlle, ¿gustache a cor das paredes?..pero como a cousa é virtual non podo falar con ninguén...Vou un pouco a cegas.

De momento, mentres vou probando como funciona o sistema, estou na tenda básica de bigacartel, na que solo podes ter cinco cousas á venda. Se cadra cada semana doulle a volta e fago unha rotación do escaparate.

Aquí mostro un dos carteis posto na miña casa . Na tenda vai sen marco eh?

Estou traballando en moitas cousas mais. Teño dúas liñas pensadas, que coinciden coas cousas que me gosta facer: deseno gráfico (camisetas, logos carteis, tarxetas...) e cousas aretesanais: monecos, bolsas...desenos propios feitos coas teas que me gosta coleccionar...

De momento estou centrada no deseno grafico e na ilustración pero o meu ordenador non está pola labor...Non fai mais que dicirme todo o tempo: Non podo facer iso que me pides porque os discos de memoria virtual están cheeeos!

Preguntados ao respecto os dous asesores informáticos que teño na casa, un deles contestoume:

-Tira con ese trasto e compra outro ordenador, mamá

E o outro:

-O que pasa é que traballas con moita resolución.

Eso si que é certo, desde pequeniña xa era así, sempre traballei con moita resolución.

Adios Prado

2011-09-01T23:18:00.000+02:00

Casi sen decatarnos, chegou o outono. Benvido!. Onte despedimonos de Prado. Ata o verán que ven!

Aquí mostro algunhas cousas que fixeron os nenos co barro que fumos buscar.Agora xa temos localizados varios xacementos pola zona...Algún dia hei coller para probar a facer algunha escultura, é un barro moi bó.

O que teña tenda, que a atenda

2011-09-01T01:52:00.000+02:00

Bueno, xa estamos en setembro, e chegou o momento de empezar a rodar. Levo un tempo dándolle voltas ao asunto, e a cousa no é tan doada... que si non me convence o tecido da camiseta, que si non é exactamente así como quería a impresión...Para mín todo é novo, e vou dando chimpos de aquí para alá. Penso que a cousa non está ainda madura, vou seguir traballando mais, probando nun sitio e noutro, mentres vou definindo que é exactamente o que quero facer.

Así que este é o meu plan:

Vou abrir a tenda en Bigcartel e votala andar axiña, un pouco de proba, para ir collendo o xeito. De momento, pouca cousa, so para ir vendo como funciona o asunto, e para ver si sou quen de manexala. A miña idea é enlazar este blog coa tenda a partir do dia 5 de setembro. Mentres hei seguir traballando coa idea xa de facer unha apertura en toda regra, un pouco mais adiante, se cadra tamén en Etsy...

Ocorreuseme que o día 11 do 11 do 11 é un día sinalado e doado de lembrar, así que ¿por qué non?

Despois de ese período de proba (aínda que a tenda estará plenamente operativa a partir do día 5) Queda marcada a data de inauguración oficial para o dia 11 de novembro , así que, si non chega antes a fin do mundo,ou calquera outro contratempo, quedamos emprazados para esa data para celebrar unha inauguración da tenda como deus manda, cuns canapés e un vinito virtual, ou cun cocktail, xa postos.

Por certo veño de rexistrar o meu dominio personalizado ( www.cousaspequenas.com) é ao pasar o meu blog a ese dominio perdín todos os enlaces que tiña, todos os sitios que me gostaba visitar e que tiña na barra lateral do blog baixo o nome "A miña inspiración" Alquén sabe si hai algún xeito de podelos recuperar? Non entendo por qué desapareceron, si blogspot redirecciona ao meu dominio, tiñan que andar por aí ¿ou non?

En fin, non saber e como non ver verdade? A veces penso que me lancé á rede sen rede...

Os luns: Apunte do natural

2011-08-29T19:04:00.000+02:00

estes dias

2011-08-25T20:09:00.001+02:00

Estes dias andiven dandolle voltas a un cartel que vou presentar a un concurso e que veño de rematar. Penso que quedou ben, (non é o da foto, cando poda xa o mostrarei). O fixen a partir dun grabado en linoleo, que xa hai tempo que quería probar... as gomas de borrar vanseme quedando pequenas.

Nunca antes grabara nada en linoleo así que o que se di a técnica non a coñezo... Mirei nun libro que teño e a teoría pareceume fácil...Ilusa... A parte do grabar foi ben, é mais ou menos como coa goma, pero á hora de entintar, miña naiciña, a que montei.

As gomas de borrar fagoas coa típica tinta de oficina, eses tampóns que xa venden para os selos de caucho , pero claro o linoleo era moi grande para iso. Probei embadurnar con pintura acrilica un rolo e darlle, peo non foi ben. Logo probei con tinta china en frasco e nin chegou agarrar, estaba moi aguada. Fun a tenda onde mercara o linoleo e non me souberon dicir que tinta tiña que empregar. Mirei en internet e dis que hai tinta especial para linograbado ou tinta offset (?) pero eu por aquí non a atopei.

Como eu non son de me desanimar, volvín a casa e tomei medidas á desesperada, collín o frasco da tinta líquida e pusena a ferver nun cazo, a ver si ao evaporar o auga espesaba un pouco e ía mellor a cousa. Un pouco mellor si foi, pero non para tirar foguetes...En calquera caso valeu, porque despois traballei coa imaxe no ordenador, e retoquei a cousa, pero vamos, teño que mellorar a técnica...

Nunha das probas que fixen, con pintura acrilica, usei un cristaliño que tiña por casa para embadurnar o rolo. Ao recoller, ocorreuseme que era doado facer un debuxiño na pintura negra que quedou seca, como aqueles que facíamos na escola, que ao rabuñar o negro saían as cores que estaban debaixo. Este o fiixen a correr, en dous segundos, pero penso que facendoo con mais coidado pode quedar chulo na ventá, deixando pasar a luz

Aquí está cunha tea de raias debaixo

oliveiras

2011-08-23T16:45:00.001+02:00

A miña curmán Ursula e o seu mozo regalaron como recordo da súa voda estas oliveiras...deronlle unha a cada invitado, metida nese saquiño de tea. Pareceume unha idea moi bonita.

O meu fillo maior está construindo un estanque para peces en Prado e decidiu plantalas aí...Espero que medren, non sei se o sitio que escolleu será moi sombrízo.

Aí está cos irmáns, explicando as grandes obras de inxenería que anda a acometer, Sei que ten previstas varias pozas independentes, comunicadas entre si cunha tella para facer unha pequena fervenza dunha a outra...Este neno tiña que ter nacido xapones, digocho eu.

Os luns: Apunte do natural

2011-08-22T19:33:00.000+02:00

Chove. O parque de Galeras desde a miña ventá.

(Pequeno parentesis)

2011-08-17T21:16:00.001+02:00

Andiven un pouco liada de aquí para alá, e mesmo non sei onde teño a cabeza...Nestes dias houbo de todo un pouco, volta ao traballo, unha voda na familia, viaxes dunha punta a outra de Galicia...non atopei momento para pasar por aquí, a ver si acougo un pouco...

Estes dias teño pensado traballar en mais desenos para a tenda, que con tanto bule bule non din feito, e tamén nun cartel para un concurso do que me falaron (gracias tartaroucha!) que remata o prazo moi pronto.

En fin...esquecín a máquina de fotos na casa dos meus pais, así que ata que a recupere non vou poder subir imaxes fresquiñas. Deixo esta de hai xa uns dias, que me pon de bon humor ... A foto non a fixen eu, fixoa o pai da rapaza. Quen poidera voar como ela!

...fin das vacacións

2011-08-07T21:16:00.002+02:00

As miñas vacacións rematan hoxe....

Esta semana foi moi intensa e fixemos moitas cosas, pero non tiven moita ocasión de pasar por aquí...e ademais sempre esquezo coller a máquina...

Nesta excursión lembreime dela e así pude sacar estas fotos das illas Cies, tan fermosas, e dos nenos buscando barro para un proxecto que se traen entre mans co avó Pucho...

Os luns: Apunte do natural

2011-08-02T00:13:00.000+02:00

Adeus, illa de arousa!

2011-07-30T18:17:00.000+02:00

Mañán vamonos de A Illa... Ata o ano que ven barquiñas do porto pequeno!
Vou desenchufar o ordenador
O luns volvo por aquí, nun novo escenario

primeiras probas

2011-07-29T11:54:00.001+02:00

Coas camisetas de proba na casa penso que vou facer algún axuste, sobre todo na parte de diante, e tamén que collín tallas demasiado grandes, a XL parece unha tenda de campaña...en fin. Creo que vou pensar unha liña unisex e outra especifica muller... A miña nai pediume unha liña especial para xente grande pero estilosa...como ela . Calquera diría que teño un emporio textil verdade? e solo teño unha camiseta...

Uff

2011-07-27T20:52:00.000+02:00

O luns foi moi festivo e pasouseme, o martes andiven moi ocupada e non fun quen, e o mercores xa queda moi lonxe do luns...así que O apunte do natural do luns 25 de xullo, vouno dar por perdido...

Estes dias de vacacións aproveitei para facer probas cos meus deseños...que se fago camisetas que se fago carteis...Sei que algún dos deseños que teño non van ben para serigrafiar, outros si...en fin

¿A quén van dirixidas as miñas camisetas? preguntoume o da tenda de camisetas cando veu a miña cara dubidosa sobre que tallas pedir...Que sei eu...¿Pero son para home o para muller? Eu que sei...aínda non vendín ningunha....Veume tan perdida que me recomendou pedir mais ben na talla L, que sei que vai tanto para un home delgadiño como para unha muller ben feita...en fin...mañana danme unha primeira rolada de proba, a ver que tal van...

O deseno desta primeira camiseta ven sendo este que mostro. A primeira imaxe iría diante, en pequeniño e esta que xa mostrara algunha vez iría nas costas:

A ver como quedan...

Paseos pola illa

2011-07-20T19:19:00.000+02:00

Detalles de cousas que chaman a miña atención cando paseo, e cando no miro cara ao mar e as barquiñas do porto...

Os luns: Apunte do natural (o martes)

2011-07-19T18:55:00.000+02:00

Con esto das vacacións é dificil atinar cando é luns...onte andiven de aquí para alá facendo recados e pasouseme o do apunte do natural, así que o fixen hoxe, mentres estaba na praia cos nenos...

O encadre elexido foi obxecto de moito comentario: que si xa tiña ganas de complicarme a vida, que si o borde vermello son nubes, que si o que se ve a esquerda é o meu pé o meu nariz....en fin, sexa como fora aí vai:

A praia de Cabodeiro vista desde debaixo do meu sombreiro:

Flores

2011-07-16T16:54:00.001+02:00

Traballos do mar

2011-07-15T18:37:00.003+02:00

Onte, nun paseíño dunha hora á tardiña vi moitos mariñeiros pintando ou reparando as barcas....Gostariame fotografalos mais de cerca, pero dame apuro disparar as persoas...Aí vai algún que pillé ao descuido.

Coido que queren ter as barcas a punto para a festa do Carmen , que vai ser estes dias....

As mariscadoras son de esta misma mañán, na ponte...

Marcos incomparables

2011-07-13T23:24:00.001+02:00

Retomo na Illa a miña rutina do paseiño dunha hora diaria...moitas fotos

Os luns: Apunte do natural

2011-07-11T21:06:00.000+02:00

Este é o apunte de hoxe.

Onte tiven un dia moi mariñeiro. Fun de excursión pola ria cunhas boas amigas. Gracias Pilar (e gracias Jorge!) polo paseo (o resto das fotos mandovolas por email )

Chove...

2011-07-08T15:49:00.000+02:00

Aquí non para de chover...Estiven a probar co deseno dunha tea, ainda que tamén valería para un papel pintado ou para un azulexo...Tiña ganas de probar con Spoonflower, vou darlle voltas a esta idea e se cadra, mando algunha...

2011-07-06T00:45:00.000+02:00

Todo isto foi onte, hoxe amanceu chovendo a mares....Non teño moito tempo para pasar por aquí, pero inda que sexa para deixar de cando en vez algunha imaxe, vouno facer...

Os luns: Apunte do natural

2011-07-04T20:33:00.001+02:00

Estou de vacacións...O apunte do natural esta vez foi na praia, cheo de areas e con acuarela mollada en auga de mar...

Mais carteis...

2011-06-29T00:15:00.000+02:00

Para este retomei aquela anduriña que gravara na goma de borrar. Seguindo os consellos de María (gracias!), escaneei o debuxo e andiven dandolle voltas ao da serigrafia....Teño pensado ir a un obradoiro para que me orienten un pouco...pero non sei, nuns dias voume de vacacións e cólleme todo a trasmano

De momento fixen esta composición.

A miña idea é desenar cinco carteis ou ilustracións que me gusten e cando os teña mostrar a tenda, que feita xa está, ainda que estea valeira ... De momento renovei a imaxe da cabeceira do blog e fixen outra para a tenda...Como o vou facendo todo de oidas, ainda non sei como poñela en big cartel, que é a páxina na que creé a tenda, pero todo se andará...

Cando lla ensinei ó meu, para que dera a súa opinión, díxome algo así como ou abres ou non abres...senon andas a crear falsas expectativas...Eu dixenlle, home, falsas non son...que abrir vou abrir( veña, home, que non é como abrir un Ikea.). E logo engadiu: ademais eso de "próxima inauguración" queda un pouco de tenda de barrio, non?...Eu debín sorrir porque logo dixo, o era eso o que buscabas? Eu, a verdade, non buscaba nada, pero o de tenda de barrio, gustoume bastante...

Despois, volvendo mirar o deseño decateime que a frase estaba inclinada cara abaixo. Seguro que iso debe ser pecado mortal no mundo do deseno publicitario...a frase tiña que estar tirando para arriba como a gráfica da cotización en bolsa dunha empresa exitosa... Se cadra, algún dia doulle a volta.

Os luns: Apunte do natural

2011-06-27T18:21:00.000+02:00

Paseo

2011-06-23T23:09:00.000+02:00

Por fin teño a miña cámara dispoñible...cheíña de fotos que estes últimos dias non puiden subir...

Esta vez o paseo non foi pola cidade senon polo campo...Ese día tiña o dia National Geographic...andiven chocando o obxectivo da cámara con canto árbol atopei...Non poño mais para non aburrir, pero vamos...un cento delas...

Hoxe é a noite de san Xoan, chégame á casa o cheiro das sardiñas e do lume na rúa ...boa noite a todos!

Cartel

2011-06-22T00:17:00.000+02:00

Eu sigo coa miña teima ... o da tenda virtual vai collendo forma: de momento voume especializar en carteis, gustame moitisimo facelos! Cando teña feitos uns poucos mais, abro a tenda, aínda que se cadra queda mellor para a volta do verán, que nas vacacións non lle dedico moito tempo ao blog...

Este ocorreuseme esta mañán, cando pasaba diante dos acampados do 15-M, como fago todos os dias no meu camiño ao traballo. Algunhas tendas teñen carteliños colgados e a mín tocame pasar diante dunha que pon "Eu tamén quero ser islandés" e outra que pon " O mundo non é así, está así"

Eu, co primeiro lema, que queres que che diga, non comulgo moito, pero coa frase do segundo estou totalmente de acordo.

Así que pensei que era bo lema para un cartel do tipo do meu querido Keep Calm and Carry On, e fixen esta proba, unindo duas das miñas cousas favoritas teas e tipografía...

Os luns: Apunte do natural

2011-06-20T20:03:00.000+02:00

Cartel

2011-06-18T00:21:00.000+02:00

Estou a diseñar algún cartel para a tenda que penso abrir algún dia...Este vai moi acorde co meu animo de estes dias...É solo unha proba, hei darlle mais voltas...

Os luns: Apunte do natural (o martes)

2011-06-14T19:42:00.000+02:00

Onte foi un dia complicado...e parece que o resto da semana vai polo mesmo camiño...No medio do lio de imprevistos de onte esquecín facer o meu debuxiño... Hoxe temos a casa feita un campamento e moreas de traballo atrasado. Dudei entre porme a pranchar roupa ou facer o meu bocetiño e pensei... que caramba! ...pintar e debuxar é o que me relaxa... se non paro un momento a coller folgos non vou poder...

rabiscos

2011-06-11T23:30:00.000+02:00

Esta semana non teño forma de subir fotos ao blog, así que deume por enredar co escaner...ahí vai outro garabato dos que fago nas reunións aburridas...

escáner...

2011-06-09T19:42:00.000+02:00

Proba para saber como quedaban as teas escaneadas...xenial! Estou pensando en cousas para facer con esta idea...

Rabiscos

2011-06-08T23:42:00.000+02:00

Atopei estes garabatos na miña libreta de matar o tempo nas salas de espera...

Os luns: Apunte do natural

2011-06-06T19:59:00.000+02:00

Paseos pola cidade

2011-06-05T22:56:00.002+02:00

Festas da Ascensión 2011

2011-06-03T18:00:00.000+02:00

Non creo que haxa no mundo mundial unha feira tan especial como a de Santiago de Compostela na carballeira de Santa Susana...Onte fumos cos nenos as atraccións e fixen un montón de fotos. Desde que fago as caminatas afecioneime a fotografar o que vexo cando saio, pero a verdade é que me da moitisimo apuro fotografar xente ou facer fotos nas zonas mais concurridas. A maioría das miñas fotos son de espazos valeiros de persoas, porque dame vergoña facer fotos á xente pola rúa.

Onte aproveitei o rebumbio para probar, pero sigo a facelo sen soltura... disparo rápido, case sen pensar no encadre, como si estivera facendo algo as agochadas...En fin, supoño que co tempo irei collendo o punto ao da foto nas rúas...

Os postos de comida, xa na tardiña..

A xente pola rúa..

Os detalles...

E este ano, ademais, foi único, porque por primeira vez na miña vida montei na noria! pasei un medo de medo, fun con o Val, e mentras el bailaba de risa na cabina a non sei cantos metros sobre o chan eu estaba agarrotada nun recuncho, pechando os ollos cada vez que tocaba baixar...tirei fotos case sen mirar, que non fun quen de soltar as mans da reixa ...

En fin, o ano que ven hei de ir nunha especie de grua xiratoria que te da voltas como a noria, mentras ti vas xirando coma un remuiño...
Eso si que da medo e non a noria, que é de vellas, foi o comentario do meu fillo mais vello, cando aterrei, pálida, no chan.

un bico o cura todo

2011-06-01T21:06:00.000+02:00

Tiña desde hai tempo gardada esta bolsa de papel que me deran unha vez nunha tenda, coa idea de facer algo con ela algún dia.

O mais facil foi recortala e poñela nun marco.

Así era a bolsa (polo outro lado tiña unha foto):

Así quedou unha vez enmarcada e posta na parede

Xa teño unha lámina para acompañar o meu KEEP CALM & CARRY ON

á caza da pintada

2011-06-01T01:25:00.000+02:00

Afecioneime a buscar grafittis alá por donde vou...ás veces están agochados ou nin se ven...pero cando os buscas, atopalos por todas partes

Os luns: Apunte do natural

2011-05-30T22:54:00.000+02:00

Este apunte do natural foi un encargo do meu fillo mais novo

Paseos pola cidade

2011-05-29T21:02:00.002+02:00

Paseos pola cidade desta semana

Dúas receitas e media

2011-05-29T01:39:00.002+02:00

Este sábado levanteime en modo cociña, e deume por facer pan e un postre...como o pan enredoume bastante, botei man dun postre que por aquí ten moito exito e que é moi sinxelo. Aproveitei tamén para facer fotos do que preparei... cando vexo as fotos tan bonitas dos libros e dos blogs de cociña sempre digo, hei probar eu tamén!

Así que aí van as miñas receitas, os resultados e as súas fotos:

Boliños de pan:

Fíxenos cunha receita de Jamie Oliver, que aprendeu do seu colega Gennaro.Os ingredientes son estes:

-Levadura (eu usei 2 cubitos da que venden envasada, pero tamén pódese comprar na panadería)

-500 gr de fariña de forza
-500 gr de fariña de sémola (non o creeredes, pero a tiña na casa, de cando o meu home dáballe por facer pasta)
-1/4 de taza de mel (ou sucre, eu usei mel)
-174 de taza de sal
-Auga tibia (a que pida a fariña, mais ou menos entre 1/2 litro e 3/4 litro)

O proceso e sinxelo:

Primeiro, medimos e pesamos os ingredentes, despois, mezclamos o mel a levadura coa metade da auga ate que quede todo disolto. Mezclanse as dúas fariña e o sal e formase un volcan sobre a mesa de traballo, cun burato no medio, por algo é un volcán e non un monte.No burato vaise vertendo o liquido co mel e a levadura disoltos e con dous (ou tres) dedos vamos dando voltas no crater ata que o líquido vaia empapando as paredes do volcán. Se queres sacarlle fotos ao choio é importante usar so unha man, porque vai haber un momento moi pegañento de aquí a un pouco.

Así a pouquiños, vaise integrando a fariña co líquido, cando rematemos o da levadura, botamos do outro, cando cheguemos ao momento pegañento é importante non deprimirse, porque de aí a nada o que parece un fiasco, vaise converter nunha masa de verdade, que xa non pega tanto.

Hai que traballala do xeito habitual como un roliño e logo cambiar de xeito, traballandoa ben, ata poder facer un bolo redondiño, ben feitiño, que non se pegue as mans.

Ese bolo, temos que deixalo levedar, que non levitar. Eu deixeino nunha cunca de cristal, cun pano por riba, nun sitio cálido e sen correntes de aire, e esperar que a levadura faga o seu traballo. Cando está? cando vexas que da cunca sae unha especia de alien o dobre de grande do que deixaches nela.

Neste momento, cortase a masa en porcións e volvese amasar, sen medo, quitandolle o ar, ata darlle a forma definitiva, eu fixen boliños redondos, co movemento rotatorio de muñeca que nos aprendeu meu pai e que é marca da casa.

Unha vez feitos colocanse na lata que van ir ao forno, ben engrasada e espolvoreada de fariña, un pouco separados,e deixanse reposar outro pouco. Cando crezan outro pouquiño, ala pa dentro, e apenas nuns minutos de nada xa os tés para comer. Mellor poñelos a enfriar sobre unha rexiña, para que a condensación non os ablande e a comer!

No das fotos fixen moitas, antes e despois, algunhas quedaron mellor que outras, teño moito que aprender!

Esta é a receita dun postre moi sinxelo, para facer nun plis plas e que ós meus gustalles moito:

Mus express:
Esta receita aprendeuma unha compañeira de traballo que se chama Pilar. Os postres resultones e sinxelos son a súa especialidade (aprendeume outra con zume de limón, leite condensado e iogur grego, que teño que explicar outro día).
Ingredentes:

-Unha tableta de chocolate para fundir (non para a taza senon para postres)
-Un vasiño mais ou menos de nata líquida ou un cartón dos pequenos
-Nata montada ao gusto

-Canela ou cardamomo (opcional) dalle un toque aromático especial

Ponse a quentar a nata líquida. Cando empece facer burbullas, retirase do lume e botase o chocolate troceado e removese para que non pegue, ata que estea fundido. Deixase enfriar un pouco e péscase, si se botou, a semente de cardamomo, que xa non fai nada aí.
Cando xa non está tan quente o chocolate, botas dentro a nata montada (si a compras xa feita, en esprai por exemplo, é ultra rápido) e removes un pouco, con coidado para conservar o aire que se poda da nata montada. Cando a mezcla sexa uniforme, botase nos recipentes individuais nos que se vai servir e metea no frigo. Canto mais tempo estea, mellor estará.
Eu para servilo, dinlle este toqueciño que aprendera de mi prima Andrea, e tamén explica Jamie no seu programa: colles un coitelo grande, e unha tableta de chocolate. Pos a tableta contra tí e co coitelo perpendicular a ela vas sacandolle virutas, para adornar o mus. E moi doado e quedan chulisimas.

E por último, a miña receita propia e particular:

Cereixas en gama cromática:

A idea veume á mente mentres preparaba a froita para o postre: ordear as cereixas pola cor. A que queda chulo? Como receita non é gran cousa, pero a verdade e que tempo e complicación non leva...e a mín gustoume como quedaba.

RETO

2011-05-26T23:56:00.001+02:00

Hai tempo que non ía por RETO e como o outro día pasei perto da nave aproveitei para botar unha ollada, coa idea de curiosear e non mercar nada... Pero esa cousa de cor rosa estaba alí como chiscandome un ollo e foi vela e pensar: é miña...

As matriculas tamén caeron no lote e para completar un marco, dourado, que sempre ven ben. Sempre me piden o mesmo leve o que leve: 10 €, así que compensa facer un lotiño e levar todo xunto mais que ir preguntando cousa a cousa.

A verdade é que non sabía moi ben que facer co ¿expositor? rosa así que fun probando...Primeiro probei cos discos, pero gustoume mais como os tiña antes. Tamén pensei que facía un bo zapatero xiratorio para os nenos, a ver si así logramos agrupar os zapatos de dous en dous, que sempre andamos as carreiras pola mañán buscando un que falta.

As matriculas foron o carto do neno maior, que non protestou, polo que entendo que lle gustaron, que si non estou certa que xa mo tiña feito saber ...

ordenando as teas

2011-05-25T00:48:00.000+02:00

Xa comentara algunha vez que teño moreas de teas, vounas apañando aquí e alá ,sen mais criterio que me guste o estampado ou o tecido ou que sei eu...Hoxe deume por ordealas, coa idea de facer algo con elas, e ir dándolles saída...Como todo o que teño, é disperso e heteroxéneo...mil cores e estampados, mil tecidos mil materiais e tamaños diferentes... Quero agrupalas por tipo de tecido ,estampados e cores que combinen ben, coa idea de facer algo con elas...Son cousas tan diversas que é imposible que cadren ben todas xuntas na miña casa, así que estou dandolle voltas á idea de montar unha tenda on line, onde mostrar as cousas (pequenas) que vou facendo a partir deste monton de farrapos... Se cadra, alguén se anima a mercar algunha!

Esta é parte da miña coleción de panos de cociña. Por certo, débolle un mandil (ou avental, como lle gusta dicir ó meu amigo Ertopk) a miña irmá, que sempre mo anda a reclamar, mañán, si podo, fagollo.

Aquí teño o pequeno lote que puden xuntar e combinar , cada grupo para unha idea concreta que xa teño en mente. Non deu tempo a mais, o resto das teas tiven que gardalas tal e como as saquei do armario porque chegou a hora da cea e tiña que librar a mesa. Pero estou contenta, teño moitas...da para montar unha tenda e mesmo unha cadea de franquicias!

Os luns: Apunte do natural

2011-05-23T17:13:00.000+02:00

Un bosquexo rápido a boligrafo do meu fillo mais vello

e tres paxariños da miña coleción

Paseos pola cidade

2011-05-22T18:01:00.000+02:00

Estou collendo gusto a facer dipticos coas fotos dos paseos. As veces xuntando dúas fotos diferentes parece que xurde un único, novo e misterioso lugar ...outras veces quedan ben xuntas por puro contraste...

En vez de poñelas aos poucos, vou xuntalas todas e facer un resumen semanal: queda inaugurada unha nova sección do blog para os domingos!

Os dous primeiros dípticos están feitos con fotos da andaina que fixemos o vernes algúns dos compañeiros de traballo. En vez de o partido de baloncesto da festa de Santa Rita, este ano fixemos unha andaina. Ahí estamos á volta da camiñata, no Obradorio, xustiño diante dos acampados indignados do 15-M.

Neste último díptico, a foto de abaixo é de hoxe, do instituto onde fumos votar. Estarán xuntando trastos para as caharelas de san xoan? A casiña das pintadas vimola ao lonxe na andaina do venres.