martes, 26 de junio de 2012

camisetas vellas unha vez mais

Xa hai tempo que acumulo camisetas de algodón para facer nobelos coma estes. Tutoriais de como convertir en fio para tecer ( ou o que sexa ) as camisetas  hai moitos en youtube que o explican mellor ca mín (coas palabras clave yarn e t-shirt, saente todos de golpe xa). O truco está en seleccionar as camisetas, todas non valen para o mesmo. As que van ben para isto son as que están feitas dun tubo, e dicir , as que non teñen costuras laterais. Eu antes non me decataba destas cousas, agora que dín en facer nobelos de tea de algodón, ando sempre a mirar se  as camisetas vellas teñen costuras ou non.

 De todolos xeitos, fago un resume de como se fai, para o que coma mín anda preguiceiro :

Hai que coller a parte do corpo, e retirarlle os elásticos. Dobrala sobre se mesma e cortala en tiras, deixando unha parte sen dobrar e sen cortar, que é a que vai manter unido todo o choio. Despois esta parte cortase en diagonal, para facer unha tira continua e non aros soltos. Mais facil facelo que contalo. Unha vez tes a fita continua vas dandolle tironciño e faise o fío soliño. Rápido de verdade, eu fixen todos eses nobelos nunha hora mais ou menos.

Os elásticos que lle quito usoos como coleteros para o pelo. A parte de arriba, que leva as mangas, como gorro para a praia. Fas como si foras poñer a camiseta normalmente pero do revés. Tiras para arriba como para sacala, e quedas tipo monxa coa toca. Despois retorces as mangas, fas un nudo atrás con elas e xa está, tes un turbante para protexer o pelo do sol e o auga do mar...

O que fai estar sen nenos...

viernes, 22 de junio de 2012

Cartel

Cartel presentado ao  concurso "San Silvestre Salmantina". O gañador e os finalistas podense ver  aquí

Este cartel ten a súa anecdota. Cando xa o tiña impreso en papel e pegado ao cartón pluma para mandar ao concurso, a unha hora do peche de correos, o último dia de prazo ( eu sempre  fago así, se non parece que non presta)... ¡decateime que olvidara unha das frases que tiña que poñer no cartel!
Durante un instante de pánico, dubidei, se pasar de todo e mandalo igual ou  dalo por perdido...

Pensei que mandalo sen cumprir as bases era de tontos pero non mandalo logo de feito tamén, así que collín un rotulador e puxen a frase a man a toda presa (como ben se pode apreciar)...e mandeino así.

Eu xa me olvidara do choio, cando chamaron da organización decindo que faltaba o soporte dixital que o mandara canto antes...Mimá! Menos mal que lle sacara unha foto antes de empaquetalo

En fin, unha vai aprendendo. Regla número un: Repasar as bases antes de imprimir

Por certo aquí probei con unha das texturas que fixera aquel dia.



(Para meu irmán Luis)

via Alisa Burke
O meu irmán mais eu estivemos o outro día lanzandonos frases de autoaxuda un a outro para subirnos os ánimo. Eu non lembraba ben unha  frase en cuestión,  nin onde a vira, pero era esta. Non teño nin idea de quen é Neal Donald Walsch.

Xa está aquí o verán

TOULA61
LSwopeArt
tkafka
sharonschock
Imaxes de mi lista de tesouros en Etsy, feita o 30 de novembro. Esto é co que soñaba no crú inverno, cando a praia estaba tan lonxe, e en todas partes vía imaxes do Nadal que viña en camiño...

E xa chegou o verán... que certo aquelo de que non hai dia que non chegue e prazo que non se cumpla...

martes, 19 de junio de 2012

Cartel

Presentei este cartel ao concurso deste ano, que non resultou elexido. A organización do concurso nos notifica aos participantes que o gañador  é José David Bastos, de Vigo. Noraboa! Na páxina web ainda non o teñen posto, pero seguro que pronto estará alí...Ide preparando os maravedíes para a festa



jueves, 14 de junio de 2012

Pirata

Esta bandeira pirata fixeraa no seu dia para o meu irmán, era parte dunha cortina para as ventás do  Land Rover. O meu irmán xa non ten o Land Rover e eu atopei a bandeira  o outro dia na casa da miña nai, pregada entre as teas que sempre ando a remexer.
Voulla dar ós nenos para que ondee no canastro onde teñen as súas reunións no verán...

lunes, 11 de junio de 2012

Os rabiscos do luns

Mais apuntes de vellas libretas..
Ía  dicir que non teño moito tempo para facer nada novo, nin sequera un mísero garabato, pero non deixan de ser excusas...o que non teño é moito ánimo.  A mín se me quitan o ánimo quedo sen nada porque o que é tesón, constancia, vontade ...non teño moita.

lunes, 4 de junio de 2012

Os rabiscos do luns

 Estes son  compañeiros que tiña diante nun curso que fun o outro día...

Este non era compañeiro, o tiña no ombro xunto a miña orella dicindome polo baixiño...non volvas a segunda parte que vas quedar durmida...
e aqui probando como cambiar de dirección un debuxo de eixo lonxitudinal...o sexa, facendo as típicas cenefas..

sábado, 2 de junio de 2012

Outro cartel

Outro dos carteis que presentei a un concurso e que non resultou elexido, acabo de recibir un correo cos finalistas e o gañador e non estou entre eles. Este foi para a 34 semana internacional de cine de autor que organiza a asociación Fonmiñá.
 Os nenos preguntanme si despois de presentarme a tantos concursos  non estou cansa de non gañar nunca nada. A verdade é que non. Aprendo moito con cada un que fago, pasoo moi ben mentres os fago e gostame ver o resultado...Ademais en cada un deles vexo algo que si o fixera de novo cambiaría...ou algo que claramente hai que corrixir...Non, non estou para nada desanimada, cada vez gustame mais participar...