domingo, 25 de noviembre de 2012

Serigrafia

Xa podo mostrar a miña primeira colleita do curso de sergrafía! Xa levamos tres sábados, pero ata agora non trouxera nada a casa, quedara todo alí, no taller...
Son simples probas, primeiros tanteos: dous debuxos que xa tiña feitos, un que fixen dunha rosa alí mesmo o primeiro día e una blonda de pasteleria en forma de corazon. E despois aprender  todo o proceso do principio ao fin, a matriz, o fotolito, o emulsionado,  o enmascarado da pantalla, a impresión sobre a tea...¡ e como lucen os resultados! 












Canto daría por ter un espazo para mín onde montar un taller!

viernes, 23 de noviembre de 2012

Xa se pode votar

Hoxe subín a Spoonflower e comprobei que xa está aberta a votación do concurso de teas para o Nasher museum.
A páxina para facer as votacións é esta: weekly contest: Nasher-Matisse. Aí pódense ver todos os deseños presentados e votar por un deles.Que se gaña? Pois nada, ter a túa tea colgada no museo Nasher, mentres dura a exposición de Matisse.

É curioso esto dos concursos. Tiñamos que emplear todos os mesmos  catro colores obrigatorios e o tema era para todos igual: unha tea inspirada (non copiada) nas que se poden ver nalgúns cadros de Matisse. E que cousas tan diferentes !

Aquí vai alguns outros deseños presentados ao mesmo concurso, que me gustaron:

Matisse_Pomegranate
Este é de Yvonne_herbst



Henri
Este é de Lisabarbero



Fauvist
Este é de resdesigns



Painted Colours
Este é de Kimsa



Berry Ugly
Este é de surlybirdstudio




Matisse_Contest
Este é de tippstert

En fin, hai un montón, imposible mostralos todos, son varios centos.

O meu era este:


Se queredes votar por algún destes ou o por calquera outro que vos goste mais,  ide ao enlace que está mais abaixo. Facendo click nas imaxes que nos van gustando, faise unha primeira selección. Despois hai que votar, de entre elas, as que preferimos e confirma-lo voto.
Weekly contest-Nasher/ Matisse
Boa fin de semana!

martes, 20 de noviembre de 2012

Concurso spoonflower. Matisse

Hoxe remata o dia para subir deseños de teas ao concurso semanal de Spoonflower . Esta volta pedíase un deseño inspirados nas teas que se poden ver nos cadros de Matisse, e daban una paleta de cores restrinxida para usar. Os dez mellores serán mostrados no museo Nasher , que sei que ten unha gran coleccion de cadros de Matisse o outros maestros modernos procedentes da coleección das irmans Cone, de Baltimore, herdeiras dun gran imperio textil, a amigas personais do artista. 

Eu levo toda a semana toleando co rapport, os motivos, os patterns e as repeticións...Xuro que cando vexo un deseño textil dos de antes quito o sombreiro...non sei como facian! Agora cos ordenadores todo é mais doado (se controlas o programa, claro).

Non quedou como eu quería exactamente pero mandeino igual. Isto é un anaquiño do deseño que mandei, logo de ir facendo un retoquiño aquí e outro alá respecto o primeiro:

Este motivo repetido fai algo coma isto:
A partir do dia 28 de novembro  podese votar no concurso, na páxina web de Spoonflower. Si eu mesma lembro a data, hei poñer un enlace, por si cae algun votiño...

sábado, 17 de noviembre de 2012

rapport

Hai xa tempo que non subo ningún deseño novo de teas a spoonflwer, ¡ando moi liada !, pero o boto de menos. O deseño textil e unha das miñas ocupacións favoritas: ben podo pasar dez horas trasegando nun deseño e esquecer a hora de comer..(cousa rara en mín).

Agora ando dandolle voltas ao concepto do rapport, esa forma de plantexar un deseño textil  que evita  os fallos na repetición do motivo, ese fallos que sempre aprecio nos meus deseños e que quero corrixir: as xuntas do motivo mal feitas, as liñas ou  ocos cos que non contabas que aparecen estropendoo todo...

Hoxe adiquei a tarde a rapportar un deseño que, se cadra, e chego a tempo,  mando ao proximo concurso semanal de spoonflower. Estes foron os pasos que seguín:




Co motivo así posto, cambiado en diagonal o de arriba abaixo e o de abaixo arriba podense ver os fallos que vai ter a repetición e correxilos...Aquí enchín algún oco e comprobei que algunha parte do deseño orixinal era mellor cambiala. 



Xa escaneado e no ordenador fun facendo alguna proba para ver como ía quedando. Si non tivera feito o rapport, a cousa quedaría como na imaxe seguinte. 
 E así, probando e probando, sin darme de conta, cheguei a unha da madrugada! Boas noites, que mañan teño que madrugar para ir o meu querido curso de serigrafia.

domingo, 11 de noviembre de 2012

serigrafia

 Este sabado foi o primeiro do curso  que estou a facer no taller de serigrafia de Teofila Ruiz. Estou encantada e desexando que chegue o próximo sábado... Gustame moito a profe, o taller e as miñas compañeiras. Solo somos tres alumnas, unha delicia de mañá de sábado!

Esta é a miña primeira pantalla,  xusto para probar  como se fai un fotolito, como se bota a emulsión e como se prepara para imprimir. Aproveitei unha blonda de pastelería en forma de corazón, en positivo e en negativo, un debuxo dunha rosa  e un debuxo duns peces que xa tiña feito na casa. A ver como queda, o proximo sábado xa vou pasalos a unha tea, xusto para probar.
 aquí vou, canturreando e facendo fotos, camiño do taller:


domingo, 4 de noviembre de 2012

pinterest

Creo que xa falei algunha vez do meu enganche co Pinterest...recomendoo a todo o mundo!
Hoxe apeteceme compartir algunhas imaxes do meu taboleiro "Inspiración ilustración". A mín dame moitos ánimos. De cando en vez doulle un repaso as imaxes e levanto da silla con forzas renovadas para facer cousas  Levo xa creo que uns 300 pins, (so neste taboleiro, teño mais) e cada dia atopo cousas novas que van unirse as outras.

Deseñado por  Helen Dardik, preciosas teas!
Precisosos monecos de papel feitos por María Dubrovskaya
Do libro de lembranzas de Susanna Bauer : Trans-Planta N º 3, follas de magnolia, fío de algodón 

Fulvio Bisca: serie The Rose Has Teeth in the Mouth of a Beast

Kristiana Parn, podese atopar o seu arte na súa tenda Etsy
So cinco de trescentos, a que apetece ver mais? Vou levantar de aquí e coller un lápiz...Vémonos outro día.

(Post post:  Este post vai adicado o meu amigo EBy+, que onte tivo unha pequena festa (sorpresa)  na que eu non puiden estar (co corpo, que si co espiritu) )