Mentras repasaba o blog ía pensando na cantidade de cousas que comezo e que nunca remato, o exceso de pulo que teño para iniciar e a falta de determinación que manteño para concluir, así que ocorreuseme facer este planning anual, un compromiso comigo mesma para cada mes, coa idea de rematar cousas que teño comezadas ou facer algo con cosas vellas que gardo á espera de facer algo con elas algún día.
Como o exito dun reto deste tipo consiste en facer previsións realistas, non vou poñerme o listón moi alto, precisamente porque teño a intención de cumprir o trato. Así que hai vai o meu compromiso para o 2013:
2013 MES A MES
XANEIRO: Rematar os coxins para aquela estanteria
MARZO: Toca arranxar e persoalizar lámpadas de papel. Aquí van incluidos a miña colección de moldes de madalenas e de filtros de café
MAIO: A ver que se me ocorre para facer con todo esto:
XULLO e AGOSTO: Tema libre, ou o que apañe polas praias, se chegamos alá
SETEMBRO: Basta xa de carrexar cortizos!
OUTUBRO: Que tal facer algo cos cartóns de ovos que ainda gardo?
NOVEMBRO: Toda a miña reserva de teas de tapicería ten que ir saindo para que entre outra nova. A ver o que podo facer.
O último dia do mes teño que mostrar o traballo feito!
Vou xa a polos coxíns, que xa vai alá unha semana enteira do mes e ainda non empecei!
2 comentarios:
Uau! Pois eu penso en min mesma (antes do bebé) e paréceme un proxecto ambicioso, pero o meu propósito do ano pasado de rematar os ufos deume moi bo resultado, así que anímote infinito, aínda que non puideras ilo cumplindo mes a mes eu diríache que non te desanimes e que non comeces co seguinte ata rematar o proxecto inacabado anterior. :)
E cos puños das camisas eu fixen unha chea de servilleteiros... a ver se os poño no blogue para que os vexas.
Que sexa un ano ben produtivo!
Gracias! Noraboa polo bebé, é precioso!
Publicar un comentario